BREAKING
भिडबाट लडेर अचेत अबस्थामा रहेका उमाकुण्ड १ पेकानासका सरोज बस्नेतलाई आर्थिक अभाब | राष्ट्रिय संगीतकर्मी संघको केन्द्रीय महाधिवेशन चैत २८ र २९ मा गर्ने घोषणा | बुद्ध माबिको भवण नै नबनी गीट्टि र बालुवामा बिरोध | उमाकुण्ड गाउँपालिकामा रहेका सबै सामुदायिक बिद्यालयमा आजबाट नियमित कक्षा सञ्चालन | पहाडी जिल्ला सोलुखुम्बुमा ट्रेडयुनियन काङ्ग्रेस ले श्रमिकहरु संग गर्‍यो अन्तरक्रिया | रामेछाप साँस्कृतिक कलाकार समाज स्थानिय तहसम्म बिस्तार अध्यक्षमा जिवन घताने | लिखुपिके गाउँपालिकाको किन्जा खोलामा सुमो दुर्घटना हुँदा चालक घाईते | सांगितिक क्षेत्रमा चम्किलो एक तारा गायक तथा सर्जक रामकुमार कार्की | सगरमाथाको उचाइ बढ्यो | दोलखाको भिमेश्वर मन्दिरका देबता भिमसेनलाई १८ ओैँ पटक पसिना |

 संक्रमणबाट प्रदेश १ मा थप ५ जनाको मृत्यु भएको छ ।विराटनगरमा होम आइसोलेसनमा बसेका एकजना र अस्पतालमा उपचाररत ४ जनाको मृत्यु भएको छ ।

विराटनगर महानगरपालिका– ८ का ७० वर्षीय पुरुषको आफ्नै घरमा मृत्यु भएको हो । मृतकमा मुटुसम्बन्धि रोगको पुरानै समस्या थियो । श्वासप्रश्वासमा एक्कासी समस्या देखिएपछि नोबेल शिक्षण अस्पतालमा उनको बुधबार दिउँसो कोरोना परीक्षण गरिएकोमा साँझ ६ बजेतिर रिपोर्ट पोजेटिभ आएको थियो । रिपोर्ट पोजेटिभ आएको तीन घण्टा पनि बित्न नपाउँदै बुधबार राति ९ बजे वृद्धको आफ्नै घरमा ज्यान गएको नगर प्रहरी निरीक्षक राजन पौडेलले बताए ।

विराटनगरको म्याक्स अस्पतालमा मोरङको जहदा गाउँपालिका–३ का ५५ वर्षीय संक्रमित पुरुषको बिहीबार बिहान ८ बजेतिर मृत्यु भएको छ । उपचारका लागि कात्तिक १७ गते अस्पताल भर्ना भएका संक्रमितको बिहीबार मृत्यु भएको हो । मृतकमा मृगौला र मधुमेहको पुरानै समस्या थियो ।

विराटनगरकै नोबेल शिक्षण अस्पतालमा सिराहाको विष्णुपुर–१ का ८४ वर्षीय पुरुषको मृत्यु भएको छ । कलेजका प्रबन्धक नारायण दाहालका अनुसार फोक्सोको पुरानै समस्या रहेका वृद्धलाई श्वासप्रश्वासमा समस्या भएकोभन्दै उपचारका लागि भदौ १७ गते अस्पताल भर्ना गरिएको थियो । सोही दिन रिपोर्ट पोजेटिभ आएको थियो । वृद्धको उपचारका क्रममा बिहीबार बिहान ३ बजेतिर आइसोलेसनमै मृत्यु भएको हो ।

नोबेलमा इटहरी उपमहानगरपालिका –१८ का ५५ वर्षीय पुरुषको मृत्यु भएको छ । बिहीबार दिउँसो ३ः३० बजेतिर नोबेल शिक्षण अस्पतालमा मृत्यु भएको हो । श्वासप्रश्वासमा समस्या भएकोभन्दै पुरुषलाई उपचारका लागि कात्तिक १७ गते अस्पताल भर्ना भएका थिए । पीसीआर परीक्षण गराउँदा भोलिपल्ट रिपोर्ट पोजेटिभ आएपछि थप उपचारका लागि आइसोलेसनमा भर्ना गरिएको दाहालले बताए । मृतकमा दमको पुरानै समस्या थियो ।

इटहरी–४ का ७१ वर्षीय वृद्ध पुरुषको न्युरो अस्पतालमा दिउँसो ३ः१५ बजेतिर मृत्यु भएको छ । श्वासप्रश्वासमा समस्या भएपछि कात्तिक १७ गते उपचारका लागि भर्ना गरिएका उनको पीसीआर परीक्षण गराउँदा त्यही दिन रिपोर्ट पोजेटिभ आएको थियो ।

प्रतिक्रिया

सम्बन्धित खवर

ताजा समाचार

लोकप्रिय