BREAKING
नेपाली काँग्रेस सोलुखुम्बुका दुई नेता द्वारा स्वास्थ सामाग्री र खाद्यान्न बितरण | नेपाली काँगेस लिखुपिकेको सभापतीमा सुरज बस्नेत उप-सभापतीमा नारायण बहादुर बस्नेत र दुर्गाबहादुर बस्नेत निर्बाचित | लिखुपिके गाउँपालिकामा काँग्रेसको अधिबेशनको रौनक | लिखु जलविद्युत आयोजनाको सुरुङमा पुरिएर एक जनाको मृत्यु, दुई घाईते | हिमालयण प्रोजेक्टको सहयोगमा लिखुपिकेलाई बल्ल एम्बुलेन्स | साहस उर्जा कम्पनी लिमिटेडले जारी गरेको शेयरको नतिजा सार्वजनिक | लिखुपिके गाउँपालिका भित्रका सबै बिद्यालय भदौ २५ बाट खुल्ने | सोलुखुम्बुको लिखुपिके ३ मा रहेको ज्यालादेबीको मन्दिरमा पनि जनैपूर्णिमा मनाईयो | मद्दत नेपालको सहयोगमा तिङला स्वास्थ चौकीमा निशुल्क स्वास्थ्य शिबिर ,१ सय जना भन्दा माथिले लिए सेवा | मद्दत नेपालको सहयोगमा तिङलामा निशुल्क स्वास्थ शिबिर , १ सय जना भन्दा माथिले लिए सेवा |

नेपालमा कोरोनाभाइरसका सक्रिय संक्रमितको संख्या २० हजार ३९६ पुगेको छ । पछिल्लो २४ घन्टामा एक हजार ५१३ जना कोरोनाका संक्रमित थपिएसँगै सक्रिय संक्रमितको संख्या २० हजार ३९६ पुगेको हो । काठमाडौं उपत्यकामा एकैदिन अहिलेसम्मकै बढी ९३४ जना संक्रमित थपिएका छन् । जसमा काठमाडौंमा ७४७, ललितपुरमा ११४ तथा भक्तपुरमा ७३ जना संक्रमित थपिएका हुन् ।

त्यस्तै, मोरङमा १०१, रुपन्देहीमा ९५ तथा चितवनमा ६२ जना थपिएका छन् । दिनानुदिन संक्रमित थपिँदै गर्दा स्वास्थ्य तथा जनसंख्या मन्त्रालयले सक्रिय संक्रमित २५ हजार पुगे स्वतः ‘लकडाउन’ गरिने अवस्था आउने यसअघि नै जनाइसकेको छ । नेपालमा अहिलेसम्म कुल संक्रमितको संख्या ७६ हजार २५८ पुगेको मंगलबार मन्त्रालयको नियमित ‘प्रेस ब्रिफिङ’मा प्रवक्ता डा. जागेश्वर गौतमले जानकारी दिनुभयो ।

पछिल्लो २४ घन्टामा ७३१ जनामात्र कोरोनामुक्त भएका छन् । अहिलेसम्म कोरोनामुक्त हुनेको संख्या ५५ हजार ३७१ पुगेको छ । कोरोनामुक्त हुनेको प्रतिशत घटेर ७२.६ मा पुगेको छ । पछिल्लो २४ घन्टामा थप १० जनाको मृत्यु भएको छ । मृत्यु हुनेमा ३९ देखि ७६ वर्ष उमेरका तीन महिला तथा सात पुरुष हुन् । काठमाडौं र बाँकेका समान तीनरतीन तथा मोरङ, सर्लाही, महोत्तरी र चितवनका एकरएकजनाको मृत्यु भएको हो ।

योसँगै नेपालमा कोरोनाबाट मृत्यु हुनेको संख्या ४९१ पुगेको छ । हाल होम आइसोलेसनमा १० हजार ७०७ तथा संस्थागत आइसोलेसनमा नौ हजार ६८९ जना रहेका छन् । तीमध्ये २१३ ‘आईसीयू’मा र ३४ जना भेन्टिलेटरमा रहेका छन् । पछिल्लो २४ घन्टामा १० हजार ८९१ जनाकोमात्र ‘पीसीआर’ परीक्षण भएको मन्त्रालयले जनाएको छ ।

प्रतिक्रिया

सम्बन्धित खवर

ताजा समाचार

लोकप्रिय